એક્ટ્રેસ કોમેડિયન મલ્લિકા દુઆની માતા ડૉ. પદ્માવતીનું ૫૬ વર્ષની ઉંમરે થયું નિધન

મુંબઈ,તા.૧૨

એક્ટ્રેસ કોમેડિયન મલ્લિકા દુઆની માતા ડૉ. પદ્માવતી દુઆનું ૫૬ વર્ષની ઉંમરે નિધન થયું છે. તેઓ કોરોનાની ઝપેટમાં આવી ગયા પછી વાઈરસ સામેની જંગ હારી ગયા. ડૉ. પદ્માવતીને ચિન્ના દુઆ તરીકે પણ ઓળખવામાં આવે છે. પદ્માવતીનાં નિધનની જાણકારી તેના પતિ દિગ્ગજ જર્નલિસ્ટ વિનોદ દુઆએ સો.મીડિયામાં શુક્રવારે મોડી રાતે શેર કરી. પદ્માવતી ડૉક્ટર ઉપરાંત એક સિંગર અને સો.મીડિયા ઇન્ફ્લુએન્સર પણ હતાં.

અવસાનનાં સમાચાર આવ્યા પછી ઘણા મિત્રો અને ફેમિલી મેમ્બર્સ પોસ્ટ શેર કરીને શ્રદ્ધાંજલિ આપી રહ્યા છે. પદ્માવતી અને તેના પતિ વિનોદને થોડા દિવસ પહેલાં કોરોના થયો હતો. સંક્રમિત થયા પછી બંને ગુરુગ્રામની એક પ્રાઈવેટ હોસ્પિટલમાં દાખલ હતા. વિનોદે પોસ્ટ કરીને જણાવ્યું પણ હતું કે અમે બંને કોરોના વાઈરસથી રિકવર થઈ રહ્યા છીએ.

પદ્માવતી-વિનોદ ઉપરાંત તેમની દીકરી મલ્લિકા પણ કોવિડ પોઝિટિવ હતી. તેણે લખ્યું, છેલ્લા ઘણા દિવસોથી સોશિયલ મીડિયાથી દૂર છું, કારણકે બધું બરાબર નથી. મને થોડા દિવસ પહેલાં કોરોના થયો હતો અને તાવ વધી જતા હોસ્પિટલમાં દાખલ કરી હતી. આ એક સારો નિર્ણય હતો કારણકે અહીં મારી દેખભાળ સારી રીતે થઈ હતી. હું પહેલાં કરતાં સારું અનુભવું છું. શ્વાસ સિવાય બીજું બધું બરાબર છે.

મલ્લિકા દુઆએ પોસ્ટમાં માતા-પિતાની હેલ્થની અપડેટ પણ આપી હતી. તેણે લખ્યું હતું, પપ્પા દાખલ છે તે જ ફ્લોર પર હું દાખલ છું . તેમને વધારે ઉધરસ છે. માતાને એક્મો પ્લસ વેન્ટિલેટર પર રાખ્યા છે. તેઓ ક્યારેક બેભાન પણ થઈ જાય છે. રોજ સાંજે અમે ફોન કરીને સોંગ સંભળાવીએ છીએ અને તે ઈશારાથી રિએક્શન આપે છે. તેમના ફેફસાંને આરામની જરૂર છે. વિશ્વાસ અને પ્રેમ સાથે પ્રાર્થનાની જરૂર છે. પ્રાર્થના કરતા રહો.

 


લાઈક અને ફોલો કરો અમારું ફેસબુક પેજ FACEBOOK - Shri Nutan Saurashtra


સબસ્ક્રાઈબ કરો અમારી યૂ ટ્યૂબ ચેનલ YOUTUBE - Shri Nutan Saurashtra


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  94089 91449