પોલીસે ૩૫૦૦ કિમી સુધી પીછો કરી આરોપીને પકડ્યા

૨૨ જૂનના રોજ જંગલમાં યુવાનનું ગળું કાપેલીલાશ મળી આવી હતી : આરોપીઓને આંધ્રપ્રદેશથી ઝડપી લેવાયા       

ભીલવાડા, તા.૨

રાજસ્થાનના ભાલવાડા શહેરમાં ગત મહિને એક યુવકની હત્યાનો પર્દાફાશ થયો છે. ૨૨ જૂનના રોજ જંગલમાં યુવાનનું ગળું કાપેલી અને અર્ધનગ્ન હાલતમાં લાશ મળી આવી હતી. આ હત્યા કેસની તપાસ કરતી ભીલવાડા પોલીસે આરોપીઓનો આશરે ૩૫૦૦ કિલોમીટરનો પીછો કર્યો હતો અને આખરે તેમને સફળતા મળી હતી. હત્યામાં સામેલ બંને આરોપીની ધરપકડ કરવામાં આવી છે અને સાથે જ હત્યા પાછળનું કારણ અંગે પણ ખુલાસો થયો છે.

મૃતક યુવક શ્યામલાલ બેરવા ચિત્તોડગઢના ગંગરાર પોલીસ સ્ટેશન વિસ્તારના ફલોદી ગામનો હતો. તેણે એક યુવકને તેની ગર્લફ્રેન્ડ (સ્ત્રી મિત્ર)ની છેડતી કરવા બદલ અટકાવીને માર માર્યો હતો. આ પછી છેડતી કરનાર યુવકના મિત્ર આ બંને યુવકોએ શ્યામલાલને ધમકી આપી હતી. આ ઝઘડામાં એક યુવકનો મોબાઇલ તૂટી ગયો હતો. આ પછી આરોપી યુવકોએ છેડતી અને મોબાઈલ અંગે શ્યામલાલને પાઠ ભણાવવાની યોજના બનાવી હતી. પોલીસના ખુલાસામાં એ વાત પણ પ્રકાશમાં આવી છે કે ૨૨ જૂનના રોજ બંને યુવકોએ ભીલવાડા શહેર નજીક ગઠિલા ખેડા નજીક યુવકની હત્યા કરી હતી.

પુર પોલીસ મથકે હત્યાનો ગુનો નોંધી ઇન્સ્પેક્ટર મુકેશ વર્માની આગેવાની હેઠળ તપાસ શરૂ કરવામાં આવી હતી. મૃતક શ્યામલાલના છેલ્લી વખતના સીસીટીવી ફૂટેજ અને બીટીએસ ડેટા સિસ્ટમની મદદ લેવામાં આવી હતી. હત્યાના ૨૪ કલાકમાં જ આરોપીઓ તરીકે બિહારના સારંગપુરના અજિત શાહ અને રાજસ્થાનના બરાન જિલ્લાના પ્રિન્સ ઉર્ફે નરેશના નામ આપવામાં આવ્યા હતા. ગુનેગારોની જેમ આ બંને આરોપીઓએ બનાવ પહેલા પોતાના અને મૃતકનો મોબાઇલ 

ભીલવાડા એસપી વિકાસ શર્માએ જણાવ્યું હતું કે હત્યાના બંને આરોપીઓ ફરાર થયા બાદ બિહારના ડાબી, કૈથુન, નોઇડા, સારંગપુર સારણ વગેરે સ્થળોએ તેમના સબંધીઓના ઘરે રોકાયા હતા.

ભીલવાડાની પોલીસ ટીમ બિહાર પહોંચી ત્યારે જાણવા મળ્યું કે હત્યાના આરોપી બંને યુવકો મજૂરી કરવા માટે આંધ્રપ્રદેશના ધર્માવરણ જિલ્લાના અનંતપુરમાં ગયા છે. ત્યારબાદ આંધ્રપ્રદેશની સ્થાનિક પોલીસની મદદથી બંનેની ધરપકડ કરવામાં આવી હતી. ભીલવાડા એસપી વિકાસ શર્માએ એમ પણ કહ્યું હતું કે, ભીલવાડા પોલીસ ટીમે ૩૫૦૦ કિલોમીટરનો પ્રવાસ કર્યા પછી આ આરોપીઓને પકડ્યા છે. પૂછપરછ દરમિયાન પૂછપરછ દરમિયાન આરોપીએ જણાવ્યું કે, મૃતક શ્યામલાલની મહિલા મિત્રની આરોપીના મિત્ર અશોક મીણાએ છેડતી કરી હતી. જેથી મૃતકે અશોક મીણાને માર માર્યો હતો. આથી રોષે ભરાયેલા બંને આરોપીઓએ શ્યામલાલને અશોકની માફી માંગવા માટે ધમકાવ્યો હતો અને તેને માર પણ માર્યો હતો. જેમાં આરોપીનો મોબાઇલ તૂટી ગયો હતો. જેથી બંનેએ આ વાતનો બદલો લેવા માટે પ્લાન બનાવ્યો હતો. ત્યારબાદ યોજના મુજબ શ્યામલાલને બોલાવીને બાઈક પર બેસાડીને જંગલમાં લઈ ગયા હતા જ્યાં તેની હત્યા કરીને ભાગી ગયા હતા.


લાઈક અને ફોલો કરો અમારું ફેસબુક પેજ FACEBOOK - Shri Nutan Saurashtra


સબસ્ક્રાઈબ કરો અમારી યૂ ટ્યૂબ ચેનલ YOUTUBE - Shri Nutan Saurashtra


કોરોના અંગેના મહત્વના સમાચારો આપના મોબાઇલના વોટ્સ એપમાં મેળવવા માટે જોડાઓ અમારા વોટ્સ એપ ગ્રૂપમાં.  94089 91449